李幸倪處女騷圓心願 唔敢當一姐
歌手李幸倪（Gin Lee）前晚舉行處女音樂會，吸引父母及數百歌迷捧場。於本月初加盟環球唱片推出頭炮歌曲的Gin Lee，不足一個月即獲公司開騷，難怪被指取代死敵吳雨霏一姐地位。唱功了得的Gin Lee大騷Quali，獻唱王菲金曲《開到荼蘼》及《紅豆》，期間獲男子送紅玫瑰花。
挑戰王菲金曲
出道六年的Gin Lee說：「不經不覺嚟咗香港六年，終於圓咗心願，等咗今日好耐。」去年參加了兩個內地歌唱比賽的她，坦言見識多了：「好多挑戰，經歷令我堅定同肯定自己。」Gin Lee受訪時被指大膽獻唱王菲歌曲，對此她說：「佢係我偶像，太鍾意佢，同埋係重新編曲，唔同Style。」
接受歌迷追求
對於被指取代吳雨霏地位，Gin Lee謙虛說：「唔敢當。（佢有冇傳打氣短訊畀你？）唔知佢知唔知我開騷，我冇特別講。」問到送花者是否其男友？Gin Lee說：「唔識佢，可能係Fans。（接受同歌迷拍拖？）都OK。（頭先個男仔OK？）睇得唔係好真。」
文：音樂組