《玄學星相》剖析「穎琳戀」陳凱琳猴年嫁人要過父母關
鄭嘉穎與陳凱琳愈愛愈甜蜜，近日更傳二人同居試婚，《東網巨星》推出的節目《玄學星相》中，堪輿學家陳子才指陳凱琳猴年紅鸞星動，大有機會與嘉穎拉埋天窗，但惟一阻力，有可能在於陳凱琳父母，到底「穎琳戀」會否修成正果？就等陳子才以玄學分析一下。
深受觀眾歡迎的《東網巨星》娛樂節目《玄學星相》向來貼近娛樂最Hit話題，以玄學角度深入淺出分析娛樂熱話。最新一集，由堪輿學家陳子才剖析近日愈愛愈高調的「穎琳戀」，近日傳鄭嘉穎和陳凱琳同居試婚，到底二人會否在猴年再下一城，拉埋天窗呢？
紅鸞星動兼有夫星
陳子才指陳凱琳今年確有結婚嘅可能性：「本身陳凱琳屬羊，喺猴年係紅鸞，你一睇到紅鸞即係有機會紅鸞星動，佢自己嘅命格五行係屬木嘅，咁喺丙申年的而且確有結婚嘅可能性，因為有粒夫星出現咗！而且佢個夫婦宮同流年相合，相合如果普通人應該結婚o架喇，咁相合亦都係有趣o架，有啲傳聞話會唔會係同居。夫婦宮相合，就算唔結婚，同居或者關係好密切，亦都係好好嘅反映！」
鄭嘉穎結婚意欲強
但陳凱琳父親早前表示未見過「未來女婿」鄭嘉穎，似乎有所微言，到底「父母之言」，會否成為「穎琳」發展障礙？陳子才說：「佢哋同對方父母關係只能夠用一般嚟形容，好好？肯定唔係，但係好差呢？又未至於，咁即係話可能冇乜溝通，冇乜機會見面，始終有種距離。但係你話我講到都就嚟結婚咁樣，原來個關鍵點就唔係佢哋自己，佢哋兩個其實都有一種咁（結婚）嘅諗法，尤其係鄭嘉穎，因為相對年紀實在大啲，咁佢自己本身結婚年，佢結婚嘅意欲係強嘅！但係個關鍵依家就唔係喺佢哋兩個度，喺個父母度，點解咁判斷？因為喺陳凱琳嗰個命盤見到夫妻宮同父母宮係相沖嘅，咁你就聽得明啦，個意思係原來喺呢段姻緣入面呢，最大嘅阻力，的而且確就係喺父母度！」想繼續聽師傅點講？只要Click入《東網巨星》的「視娛樂」，睇《玄學星相》就更啱Feel！
【http://goo.gl/nsdpbz】
文：專案組