丁悅沖涼攞靈感
創作歌手丁悅早前推出首張大碟，有半數歌曲是她操刀創作。她說：「靠沖涼去攞靈感，我都唔明點解沖涼特別多歌哼到出嚟，試過一日沖三、四次攞靈感，好彩我後生又有啲肉地，唔會浸到皺晒皮。」
其中一首傷感歌《新婚快樂》，阿丁稱是首英文改編歌，是講到外國出席舊情人的婚禮，她提醒大家別拿來作婚禮歌曲：「我試過去婚禮有人竟用首英文歌《Saying All My Love For You》，我聽到都嚇親，因為係講第三者，所以婚禮用錯歌好大鑊，真係要了解下歌詞意思先好揀，唔好只睇歌名。」提到將來結婚，阿丁着重求婚多過婚禮：「求婚就想多啲朋友一齊見證，因為求婚嗰吓係好肯定性嘅一幕，我覺得好感動同好Sweet，婚禮反而請重要親友出席，簡單儀式就可以。」