Kay《山林道》告別 放長假造人

Kay這次是第三度踏上紅館舞台開個唱，對她意義重大皆因將回顧其十年來的音樂印記，亦是Kay暫別樂壇前的最後演出。而當日Wyman的經典之作《囍帖街》令Kay登上人生高峰，這次再有神來之筆為Kay獻上一首《山林道》成為主打歌。

Wyman作詞勿忘初衷

Kay看到歌詞有很大感觸：「當日我哋小公司由山林道開始做起，錄第一首歌亦喺呢度，可能時間令好多人和事變遷，正如雖然叫山林道，但條街道上面一棵樹都冇，要發展就要斬樹劈石，想要一樣嘢就可能要犧牲另一樣，但做人就唔可以忘記初衷。」期望《山林道》再創事業高峰？Kay笑言：「係又唔拘喎，我都希望首歌可以觸動人心。」

Kay搵來Wyman度身訂造新歌，望再創事業高峯。

山林道是Kay錄第一首歌的地方，以此命名新歌寓意勿忘初衷。

離開一年損失千萬

然而Kay十年來不停為事業打拚，完成個唱後會放一年長假，對這個暫別決定Kay亦自讚夠勇：「我都覺得自己好豪好勇，親身推咗唔少工作。（損失千萬元計？）係呀，但冇得咁計，要計嘅話生命比搵食重要。（唔怕消失一年被其他歌手超越？）冇擔心過，我嘅離開係為咗返嚟變得更強大。」Kay坦言都會不捨得，但正如她所說要犧牲才會得到更多，而她想得到不是成就，而是更多生活感受去做音樂。不過，Kay稱雖然「放長假」，但她已完成兩張唱片，所以歌迷仍有新歌「止癮」，講到退隱「造人」？Kay爽快答：「係呀，我會好好造人，好好生活。」

文：音樂組