雨僑怨羅力威 做新郎唔玩得

歌手雨僑與前主播伍家謙昨日出席活動擔任頒獎嘉賓，問到何時結婚？雨僑坦言結婚很易：「婚隨時都結得，生仔就唔可以亂生，我參加咗海外馬拉松，仲練咗腹肌，唔想切腹肌，但生仔就要切開。（順產咪得？）好驚！以前一直諗生仔都係開刀，所以好猶疑，結婚註冊就得。（註咗冊喇？）未！旅行結婚輕鬆啲。」她表示見朋友搞婚禮時，需要兼顧多方面，又對男友羅力威有微言：「玩新郎玩得就話啫！（佢唔玩得？）又唔係，佢係我見過最幽默嘅頭三甲。」