陳少琪踩個女當鼓勵
著名音樂人陳少琪有女初長成，女兒陳明憙（Jocelyn）以創作歌手身份殺入樂壇。Jocelyn早前主唱由日本藝人山下智久主演、日本組合Back Number主唱的日劇《朝五晚九》主題曲《Christmas》，還自彈結他、Keyboard及打鼓，吸引逾十萬人瀏覽，人氣一時無兩，她說：「因為套劇好好睇，我又好鍾意山下智久，所以決定自彈自唱，有咁好成績都好開心。」
Jocelyn自小受到父親灌輸音樂知識，由細到大都有學習音樂，並對自己有要求，喜歡寫歌及主唱的她，早前便創作了一首《October Snow》。問到父親在樂壇舉足輕重，會否為她帶來壓力？她笑說：「都會o架！」而陳少琪自爆經常「踩」女兒：「踩佢話佢唔合格，其實係曲線鼓勵佢，用打擊來幫佢，唔可以畀佢驕傲。（為女兒搭路？）如果路線、計劃啱嘅，都會幫佢留意。」