洪卓立為愛犬剷屎
歌手洪卓立（Ken）飼養五歲半大的玩具貴婦狗淇淇，由於他與女友湯怡各有一隻同款狗，故近兩年開始一齊生活。Ken大讚淇淇懂事，每次收工回家均獲對方跳跳紮迎接，縱然有多攰都會抱起愛犬錫錫。他謂：「見到佢當然好冧豬啦。」
問到與淇淇相處有何難忘事？Ken憶述有次淇淇從櫈上跌落地：「嗰吓真係好驚，因為跌到條脷反晒出嚟又唔郁，好驚佢會死，好彩兩秒後郁番，即刻帶佢檢查，醫生話可能因為呢次跌倒對佢腦部發育有影響。」Ken坦言初時照顧淇淇相當吃力，每朝都要為對方「剷」屎：「因為佢屙完踩到成屋都係，當我起身已經乾晒，唔係執係剷。」