何浩文為新歡拒戲假情真
藝人何浩文（Dominic）及唐紫睿（Hazel）隨着新片《鴨王2》上映再度人氣急升，日前二人接受了東網電視《娛樂onShow》的訪問，大爆與上集女主角袁嘉敏不和之謎！Dominic期間激讚今集女主角林莉嫻（Leslie）的表現，惟問到二人會否戲假情真時，他即一言拒絕，並向新歡唐紫瓊（Candy）大派定心丸！
近期憑新片《鴨王2》再度成為熱話的藝人何浩文（Dominic）和唐紫睿（Hazel）日前接受了東網電視《娛樂onShow》主持陳振安訪問，去年因電影《鴨王》而被傳與女主角袁嘉敏不和的Dominic，被問到今集的氣氛是否比上一集和諧時，他就直言：「其實我覺得係，未必個個人都同身邊嘅人傾得埋，可能咁啱唔啱傾，或者有啲誤會喺中間。」
其後又指因有人當時說了一些不負責任的說話而令他感不滿：「我好驚人哋話工作人員啲咩，因為大家都係為咗件事好嘅啫，點解你要話人呢？」
唐紫睿EQ增長
至於同樣是非不斷的Hazel則坦言入行兩年來EQ增長不少：「我覺得我入行兩年嘅時間，其實我學識咗面對是是非非嘅EQ都高咗好多，我已經冇乜反應，人哋講咩咪當耳邊風，最緊要唔好畀人影響到自己。」
於《鴨王2》與女主角林莉嫻（Leslie）有多場肉搏戲的Dominic，大讚對方工作及學習態度認真又肯搏，惟被問到與Leslie會否有發展空間時，他即耍手兼擰頭，並自爆有新歡：「依家我同一個女仔認識緊、了解緊，就唔想再節外生枝。既然同一個女仔了解緊嘅時候，就專心了解一個啦，唔好再搞咁多嘢。」默認新歡唐紫瓊（Candy）的地位！想知更多Dominic的新歡，就要密切留意逢星期五播出的《娛樂onShow》！
文：專案組
唐紫睿髮型：Haffman Cheng @ L Salon