鄭俊弘踩界唱情歌
歌手鄭俊弘（Fred）舉行個唱後全力籌備新碟，務求與第一張專輯不同，他表示將收錄自創曲，然而歌曲並非搖滾而是大路情歌：「我少寫呢類風格，唔知點解坐喺鋼琴前就寫咗。」他笑言中文程度只屬「有限公司」，未敢挑戰填詞，至於可想定位成「情歌王子」？他卻說不想因定位限死歌路，不過樂壇競爭大，單是同門的許廷鏗（Alfred）連歌路都與Fred相似，難道不怕比較？他認為一定有比較，但自問與對方不同：「Alfred唱情歌、抒情歌係冇人贏到佢，呢個係佢嘅Signature，我夾Band出身，有結他喺度我會舒服啲，公司都有啲歌係Rock啲，畀我喺我Comfort area發揮。」
