任達華莊思敏必睇英雄輝

葉鴻輝係現今香港足球壇的風雲人物。

熱愛足球的任達華一直關注香港足球，他說：「香港隊的賽事我都有留意，雖然幾場舉行期間我都要開工，但有透過手機上網睇直播。『英雄輝』多人識一啲都唔出奇，好多場都係全靠佢一夫當關。我都係明星足球隊嘅守門員之一，最好嘅守門員，花名叫鑽石鋼門。呢個輝哥好犀利！佢效力邊隊？考我唔起嘅！佢係東方正選門將，東方目前在聯賽榜排頭位！」

任達華更表示：「我試過一場波救三個十二碼，希望呢場波唔使輝哥救三個十二碼！想睇『英雄輝』比賽，1月24日星期日，下午3時，在香港大球場有一場『高級組銀牌』決賽上演，就係由東方對另一支港超球隊冠忠南區爭冠軍。一係買飛入場睇，一係下載on.cc東網app睇直播！」

任達華身為明星足球隊門將，很支持本地足球，幾忙都會抽空上東網睇港超聯賽事。	莊思敏不止球場上，也不時在廣告中見到葉鴻輝，希望有機會跟他合作。	葉鴻輝於世盃外圍賽中，化解了國足的不少攻勢。

體壇名將撈過界

名模莊思敏自從去年港隊連場超班表現，連她都知道誰是葉鴻輝，今年當然繼續支持港隊啦﹗她說：「坦白講，喺2015年之前，我真係唔知邊個係葉鴻輝，更加唔清楚香港都有職業聯賽，我淨係識英超同德甲，但經過上年之後，我唔止知道邊個係葉鴻輝，更加知道香港都有一隊好勁嘅代表隊，依家連我阿媽同親戚都知道邊個係葉鴻輝！因為打開電腦就見到好多佢嘅新聞同訪問，仲有佢嘅廣告；搭港鐵都見到佢嘅廣告，佢都幾好演技呀！（撈過界？）咁又冇話撈過界，賣廣告梗係搵啲知名度高o架啦，好似李麗珊、李慧詩、黃金寶都拍過好多廣告，今時今日嘅葉鴻輝一啲都唔出奇，如果有機會同佢合作，都幾好喎！睇港超聯，睇東網直播！」

我撐本地波facebook專頁：https://goo.gl/y2EDAz