藝人余安安的長女、現年29歲的李文琪與拍拖兩年的男友Jeremy宣布訂婚，前日安安在微博放上女兒獲男友在雪地跪地求婚照，昨日安安電話回覆說：「佢哋上星期去日本旅行時Jeremy求婚，我唔喺現場，佢哋豎個相機影低嗰一刻，年底喺香港擺酒結婚，未決定中式或西式。（送咩嫁妝畀個女？）要問吓阿媽先，第一次乜都唔識。（準女婿點？）人好開朗，正派，冇不良嗜好，又好錫屋企人，最緊要個女開心，我就開心，相信佢嘅眼光。（你做最靚外母？）多謝。」
李文琪是現任律師，向來低調，故安安不便透露準女婿的職業和背景資料，只知Jeremy姓張，是外國長大的華人，與李文琪平日以英文交流。