袁嘉敏爆男友傳「肉」照解相思

袁嘉敏（Candy）與夏尉喻等前晚到銅鑼灣出席電影首映，無懼寒冷晒出事業線，效果吸睛！她笑言已打底上陣，問到是否被男友禁止性感現身？Candy笑說：「唔係！係驚凍！佢依家喺歐洲公幹。（遠距離戀愛？）係囉！畀佢呃咗，佢一個月有二十日唔喺香港，好掛住佢！（日日視像通話？）佢會whatapp啲片畀我，又影吓當地風景。」問到男友為何不傳自拍照以解相思？Candy笑言收過對方的半裸晒肌照，又讚男友大隻：「佢都有泳裝Look。（收過最大尺度嘅相？）半裸上身，佢好鍾意健身。（你有冇影相回覆？）睇佢情人節有咩表示。」她透露男友下周返港，但新年時將到泰國公幹：「佢又走廿日，有叫我陪佢到泰國，但我要籌備拍寫真，驚去到會曬黑，等佢再求吓我先！」