汪圓圓孖B眼睩睩

甄子丹姨仔、玩具大王蔡志明新抱汪圓圓，於18日誕下孖仔後仍在醫院休息，家人與好友連日來繼續到醫院探望。子丹與太太汪詩詩臨飛美國宣傳時，亦有陪圓圓一同入院。昨日奶奶蔡李惠莉與孖B的太婆（蔡太母親）探過圓圓和BB後透露，還未能分辨孖B，蔡太說：「因為好似樣，放埋一齊就見到有個面尖啲，細佬塊面瘦啲尖啲，但一分開我就唔識分。BB幾乖，圓圓精神都幾好，依家開始餵人奶，好忙，餵兩個要逐個餵。（預計幾時出院？）想佢住多幾日休息多啲先，同埋有姑娘可以教佢餵人奶。（孖B有無眼仔睩睩？）有，早兩日都係未開眼，今日有擘大眼四圍望，好精靈，好可愛。（送咩畀圓圓？）依家最緊要係身體健康，嗰啲慢慢先。（會準備定大利是？）一定會準備大利是畀佢哋。」