吳業坤撞車：當破財擋災

歌手吳業坤前晚與許廷鏗（Alfred）、李司棋以嘉賓身份出席仁濟醫院慈善活動，坤坤比原定時間稍遲才到場，他一到埗即整理頭髮，然後自爆駕車前往活動途中發生輕微交通意外：「我架車畀人cut線，但個人冇撞親嘅，係架車揩花咗少少，不過見到大家（自己及肇事司機）都好似戇居居咁，所以就算數，當破財擋災。（對方認得你？）佢落車嗰陣愕一愕，大家都好似第一次『瀨嘢』，所以息事寧人。（喺小路讓大路？）係兩條平排嘅線。」

撞完車乜都唔識

坤坤亦自言是「小心駕駛者」，應該不是他做錯，他因要趕住出席此活動，沒有要求對方賠償及報警，已有三年車齡的他不禁笑言：「都係第一次撞車，今次畀佢開齋，不過都希望藉此宣揚交通安全訊息。」昨日坤坤透過電話訪問表示自己是新手撞車，很多事情都不懂，故就連保障雙方權益的和解協議書都沒有簽署。

吳業坤、許廷鏗一起出席仁濟活動。

李司棋

李司棋眼淺之人

同場的Alfred則表示之前跟歌迷一起賣旗和賣獎券行善：「覺得做善事又可以同Fans聚會係好事，作為公眾人物，都希望可以推動支持者做社會公益活動。」而李司棋受訪時直認所做慈善工作不多，大感慚愧，她願意身體力行做探訪工作：「可惜我有個弱點，見到可憐事物會好眼淺會眼濕濕。」她試過探訪獨居婆婆，對方因跌親，而收音機又壞了，連唯一娛樂都冇，司棋又可憐另一公公，最後將手上的錢分贈二人，她僅餘二百元回家！曾經患癌的李司棋說人要保持輕鬆情緒、思想正面，否則會容易生病。

文：音樂組