《東網Baby大作戰》鬧市測人氣岑日珈嗲功唔Work喪食檸檬

最強娛樂資訊App《東網巨星》推出全新節目《東網Baby大作戰》，每集邀請不同藝人接受挑戰，集娛樂與刺激於一身。今集由歌手岑日珈（Angie）接受人氣測試，以短褲示人的她要到尖沙咀鬧市完成四個任務，包括向途人「唱錢」、借電話、用美色叫途人請食軟雪糕及企在鐘樓一分鐘內有否被認出。

扮可憐呃食

Angie於首個「唱錢」挑戰已告失敗，手持五百元的她向四眼男哥哥嗲聲嗲氣，但被對方冷言說：「我唔知你張五百蚊真定假！」隨即以「約咗人」彈開，慘食檸檬的Angie即扁嘴說：「唱唔到呀！」接而向斯文男借電話，Angie繼續採用「嗲功」，被俘虜的斯文男爽快借出手機，令她順利過關。

其後，企在雪糕車旁的Angie擺出楚楚可憐樣，向途人抓食，可惜再遭西裝男以「趕返工」一口拒絕，惟有轉攻「靚仔哥」，並獲對方認出是藝人：「你係咪星嚟o架？」抵死的Angie以「小星星」形容自己，成功呃食後開心得舉手指公。挑戰最後一關，Angie竟遇上路過的「蜥蜴仔」曾德華拍膊頭突擊說：「岑日珈，喺度做咩呀？」結果企在鐘樓近一分鐘，她只獲兩名操普通話的男士上前影合照。

敗！ 岑日珈唱錢時遭四眼哥哥一口拒絕，真慘情！	勝！ 岑日珈扮晒嗲，冧掂哥哥仔借電話。	敗！ 岑日珈出擊失手後，轉扮可憐才贏得男途人請食雪糕。

被罰兔仔跳

四關僅得一關一Take搞掂的Angie無奈說：「失敗啦！即係要大懲罰。」一口氣以兔仔跳足38級樓梯的Angie喘氣地認叻說：「係咪好勁呢？不過真係好過癮。」激讚節目夠噱頭又好玩。

http://goo.gl/rHpqjH

文：音樂組

攝：張福宏