經濟不景，股市樓價大跌，令不少名人受影響。太子珠寶鐘錶主席鄧鉅明太太鄧宣宏雁，自言亦有買股票投資：「有啲就平手，有啲喺高位買就蝕緊，都冇辦法，大家都預測唔到。其實股票有升有跌，如果環境許可就等囉，不過我諗起碼都要等幾年，過年心情都有影響！」
而賭王何鴻燊四太梁安琪就稱較少買股票，多買「磚頭」：「買磚頭實際啲。（依家樓價都跌？）係，成個市都跌，希望唔好過急加息。（有冇慳啲？）慳咗好耐啦，過年會留港消費！」
