莊思敏開工行性感禁男友干涉

名模莊思敏（Jacquelin）、藝人傅嘉莉（Kelly）和影壇新貴蘇麗珊（Cecilia）等昨日出席香港貿發局舉辦的「香港時裝節秋冬系列」中舉行的彩妝活動，身穿紗布花花高衩透視裙上陣的Jacquelin，坦言只可靠花花來防走光：「底就打唔到啦，打底褲或者tube就好難再着到啦，但檢查過啲花花可以遮住所有重要部位，安全嘅，只要唔大風就得。」

做嘢最緊要靚

問到如此性感會否怕更難有男朋友？她表示：「會咩？冇咁考慮過，靚嘛，做嘢冇所謂，出街唔會咁着，（之前有冇試過被男友投訴？）有試過被投訴短裙，有啲人係人哋女朋友可以着少啲，自己女朋友要着多啲，（你願意為男友着密實啲？）如果私底下對方唔鍾意，我願意着得密實啲，但做嘢唔應該干涉，如果工作上需要，我唔會為另一半着密實啲，做嘢最重要靚，同埋要配合角色需要，如果要性感，我都會接受。」

蘇麗珊直言跟男友互相信任。	傅嘉莉（左）與楊淇為大會行騷	藝人陳鈺芸出席睇騷

另外，早前被本報獨家爆出劈腿，與現任男友游學修拍拖同時與前男友Hanson一齊，Cecilia透露二人感情沒有被事件影響，男友很信任自己，更強調游學修和自己絕不是一起劈腿後才拍拖。

傅嘉莉玩過火

而早前被爆跟已婚富豪莊天龍（Benny）歐遊的Kelly，表示跟對方是朋友關係，解釋說上次是自己飲醉酒後玩過火：「上次係一大班人去，有影大合照同自拍，我自己同朋友影相會轉好多個動作，嗰次玩過咗火，引起誤會，影響人哋，自己會留意多啲。」又謂當時不知對方已婚，但大家絕對不是情侶關係，現是獨身，還強調現有的生活享受是自己多年來努力得來。問到可否接受有婦之夫追求？她說：「保持朋友關係，唔怕影響自己，都怕影響人哋。」

文：名人組