樂隊Kolor昨日現身電台宣傳新歌《大吟釀》，以酒比喻人生，他們亦謂年輕時喜歡飲酒，曾醉酒坐在街頭。他們指歌曲已拍MV，更找來「御用女主角」蔡穎恩演出：「由《時差》開始合作，我哋有個idea，就係以後有MV都會搵佢做女主角，陪我哋一齊成長。（有冇親熱戲？）有，但唔係我哋，搵咗幕後人做男主角。」他們亦表示八月將舉行音樂會，開心指有足夠時間籌備。
