蔡加讚大家姐蔡加敏昨午到醫院探望兩名姪仔及圓圓，她大讚孖B好得意，亦有傳授湊孖胎秘訣，加敏表示孖B似加讚及圓圓，又似加讚大女Celine，她說：「Karson前晚陪圓圓陪到昨日，抱孖B抱到唔願放手，圓圓仲感動到喊。」而她亦抱過孖B，覺得好重手！問加敏會送甚麼禮物？她說：「等圓圓出院先。（小朋友嚟探望，叫佢哋分享玩具畀表弟？）會，小朋友知道都好開心。（Celine好期待細佬出世？）係，恨咗好耐，Celine見到細佬又摸又抱。」而二家姐蔡加怡在圓圓生B前已到醫院探望。
