唐詩詠互相捧場叫洪永城追劇
藝人唐詩詠、蔡思貝及黃德斌等昨日出席無綫劇《鐵馬戰車》的宣傳活動，現場陳列多達29部電單車，總值約800萬元，認真大陣仗。詩詠直言會叮囑男友洪永城追劇：「首集唔可以miss，因為佢每次出劇都要我睇，所以佢都要睇晒。（互相畀意見？）我盡量少，始終佢都新，好多嘢需要改善，佢需要鼓勵多啲，唔好咁多挑剔，等佢放住做。」
蔡思貝再考電單車
拍畢該劇後，愛上電單車的蔡思貝坦言，考慮稍後補錢再考電單車牌，會否擔心不獲男友麥秋成批准？她笑謂：「呢啲自己決定。（載埋男友？）一個人揸過癮啲。（怕危險唔敢載佢？）單車我都唔敢載人，更何況電單車。（浪漫啲？）浪漫就男仔坐前面，女仔坐後面啦。」
提到蔡思貝每次拍劇都傳緋聞，今次未與她傳緋聞的黃德斌笑謂：「哎呀，蝕底喇！不過今次我哋係師徒關係。」對於連續兩套擔正劇出街，會否擔心兩劇作比較？他笑道：「冇得比，一個揸刀、一個揸槍。」
文：影視組