陳展鵬粉絲催生仔拍拖急唔嚟
陳展鵬前晚假尖沙咀與約250名粉絲補祝生日，更有粉絲專程從海外來港見偶像，席間展鵬以歌聲娛賓，並承諾來年換個更大的地方，招呼更多粉絲，以免順得哥情失嫂意：「有超過400人報名，今次因為防火條例唔可以太多人，惟有先到先得啦！」
談到生日願望，展鵬表示：「屋企人身體健康、世界和平，我可以再遇到好嘅角色，同埋唱多啲主題曲，儲夠歌開迷你演唱會。（拍拖呢？）急嘅，但冇吖嘛，做嘢先，依家係事業另一階段，總之有（女友）實公開，正常嘢嘛。（粉絲唔反對？）佢哋反而催我結婚生仔，今日都有好多人拖男帶女嚟支持我。」
