辰亦儒360度激咀Chrissie
周秀娜（Chrissie）與台灣男星辰亦儒合演網劇，在劇中挑戰動作戲。Chrissie化身女拳手輕鬆KO肌男，令她一演上癮。反觀辰亦儒在劇中常幫倒忙，Chrissie笑言應安排對方多些表現機會：「其實辰亦儒咁好身形，應該騷吓肌肉，真係浪費。」
Chrissie與辰亦儒有不少埋身肉搏戲，談起首場咀戲，她笑說：「大家識得幾日，都有啲尷尬，我要成個人瞓喺佢個身度，跌低然後咀佢，要對啱個位。我覺得自己好似好猴擒咁，成個趴落佢度錫，同埋尷尬嘅地方係呢啲咀戲唔係一take過，拍吓佢又拍吓我，係360度錫勻，佢都幾好咀，哈哈。」
