天佑密謀B計劃又南催谷桃花

組合Shine、歌手吳若希（Jinny）與黎美言（Winkie）昨日到大埔新達廣場出席「新達廣場×大耳查布遊歷桃花園」，一起主持揭幕活動，並由張啟樂和Kawaii擔任大會司儀。活動期間，Shine、Jinny及Winkie都分別親自挑選現場粉絲上台大玩鬥快封利是，作近距離接觸，而Jinny及Winkie亦即場大獻歌喉。

派雙封利是

問到已為人夫的徐天佑是否需要預備大量金錢去派利是？天佑直言：「要啊！以往派一封，依家要派兩封，試吓新嘅感覺囉！（生番個小朋友收番啲？）趕唔切，下年囉！今年都好忙，未必係今年嘅事，有plan嘅，都想！」而黃又南透露每年都有買桃花的習慣，但就不知道原來要繞着桃花走三圈，笑言：「年年有桃花擺屋企但係冇行，蠢咗添！係咪都試咗先，實冇壞o架嘛！」

要挑戰跳舞

至於工作方面，兩人透露二月底將會連同另外三位專業舞台劇演員開始排練歌舞劇，天佑表示：「今次就有歌舞元素，主要就係drama；又會加入自己的音樂元素，依家同導演傾緊，可能會寫啲歌畀佢，因為今次的歌舞劇主要講述80、90年代的情懷。」又南就指今次是第二次參與舞台劇，不過因為需要跳舞，所以極具挑戰性。

文：音樂組