Dash @ Mr.負傷出賽

被傳遭唱片公司雪藏的樂隊Mr.成員Dash昨日負傷完成馬拉松賽事，見他行路時一拐一拐狀甚痛苦，他透露一個星期前練跑時已經腳痛，以為到參加半馬比賽時會復原，卻不慎因避開人群時不小心踩入水氹而扭傷：「我跑咗2公里就開始（腳）痛，去到九龍仲落大雨，濕晒，唔跑就凍，跑就痛，但我嘅目標係一定要過咗西隧先停，最後捱到18公里，可惜到中環碼頭就頂唔順，彈吓、跳吓、拖吓咁返嚟，因為冇可能中間搭車返嚟，要堅持！」他又謂：「我會返去搵我媽咪，佢係中醫師，我嘅私人醫生。」至於成績？他透露大概以兩個半小時完成賽事。