定欣直播衝刺心悠跑出香港

年度盛事渣打馬拉松賽事昨日順利舉行，不過在比賽期間落起雨來，令一眾跑手包括有份參賽的女星雨僑、陳嘉桓及胡定欣慘變「落湯雞」！首次出賽的胡定欣挑戰10公里賽事，她在「最後衝刺」時於網上「開心share」，見定欣素顏上陣，並獲網友大讚天生麗質。同樣參加10公里賽事的陳嘉桓，透露成績比去年慢：「今次大概個半鐘多啲，上年就個半鐘內嘅。條路好多斜路，對鞋吸晒水，好重，但完成到同埋冇跌親整到就OK喇！」

張紋嘉掛住食

第10年參加10公里賽的劉心悠表示，已累積跑了100公里，並有意挑戰半馬賽事，甚至衝出香港：「可能去日本或者加拿大跑10公里，但啲路我唔熟，要請教吓人，同埋經過今次覺得天氣好係關鍵。」而她又指途中看到有選手跌倒，自己亦差點跣親：「個地好跣，我就住跑，因為落雨跑真係冇咩經驗，又睇唔到路，所以今年幾危險亦都幾特別。」而上年參加馬拉松比賽不幸「拗柴」的張紋嘉（Crystal），自爆在比賽時聞到即食麵味道，令成績比去年慢了1分鐘：「差1分鐘好多o架喇！有啲唔開心，中間唔好諗啲即食麵應該就冇事！」

素顏上陣的胡定欣被網友大讚天生麗質。	陳嘉桓完成賽事已感高興。	雨僑因比賽時落雨，笑言跑到眼都盲。

雨僑跑到眼盲

至於首次參加半馬賽事的歌手雨僑透露以2小時54分鐘完成賽事，更自爆比賽前膝頭已受傷：「我從未參加過呢啲比賽，頭先我去到6、7公里個膝頭哥已經捱緊，但一路捱住返嚟就覺得我可以完成嘅！」提到比賽時落雨，她笑言跑到眼都盲咗：「啲雨係咁打落我眼球，喺彌敦道同入西隧前好大雨，底衫同襪都濕埋。」

貪靚的雨僑補上唇彩才受訪。

張紋嘉慨嘆即食麵令她分心。

採：音樂組、影視組、專案組