盧惠光悼韓春難忘相處點滴
「成家班」成員韓春兩年前受肌肉萎縮症纏擾，上月終不敵病魔，終年53歲，其家人昨日為他在紅磡萬國殯儀館設靈，韓春生前出生入死的兄弟盧惠光到場致哀，成龍、林國斌等送上花牌。
盧惠光盛讚這位功夫耍家的手足，他說：「佢先過我入成家班，但份人冇架子，我哋30年兄弟，佢身形最好，動作最出位，所以聽到佢患肌肉萎縮症，我都唔敢相信。（佢有咩心願未了？）我唔係太清楚，佢工作時工作，平時好低調，我連佢老婆都未見過。（佢家庭經濟OK？）之前探佢，問佢有冇嘢要幫手，佢都話得，以我知道應該問題不大。」
