陳詩欣食招牌燉奶唔怕殘忍

新人歌手陳詩欣(Eunice)近日終於忙完微電影的拍攝,在煞科當日更同工作人員拉大隊去了位於中環的Little Twins Star主題點心店慶功。Eunice見到外表吸引的卡通點心當然「相機食先」放上網「呃Like」,引來粉絲羨慕之餘,亦有人笑她「殘忍」:「因為個樣好靚,有Little Twins Star公仔喺上面,啲朋友見到就話你咁殘忍o架,人哋咁得意你都食。」

在眾多點心中,Eunice就最推薦招牌菜燉奶:「個燉奶係北海道牛奶整,好重牛奶味,一定要趁熱食;有個流沙奶黃包都好好食,但就要小心啲,因為一咬就會咇汁,唔小心就會辣到個嘴!」而傳統的港式點心中,Eunice亦激讚蝦餃燒賣夠正宗,其中燒賣更是揼本之作,原隻帶子放面蒸,認真足料!