陳展鵬行桃花運 暗示有拖拍

藝人陳展鵬、劉佩玥（Moon）、陳爽及湛琪清等，昨日出席「東港城3D打印藝術萬花園」揭幕活動。而新鴻基地產代理有限公司租務部總經理鍾秀蓮亦現身剪綵儀式作支持。前日39歲牛一的展鵬，於活動上獲粉絲送上蛋糕及鮮花補祝生日，場面熱鬧！而以低V短裙示人的Moon更於台上俯身晒線寫大字，祝福大家新一年花好「玥」圓！

護愛苗暫不公開

展鵬於受訪時透露正日生日於工作中度過，更獲拍檔馬國明及唐詩詠等為他慶祝。談到生日願望，展鵬希望家人身體健康及搵到好角色演出。問他為何不搵個女友？展鵬就大賣關子暗示行桃花運：「可能已經出現咗呢。（有女友？點解唔學鄭嘉穎咁公布戀情？）唔知，未正式講，我都想公開。（有壓力唔公開？）你指公司阻人拍拖？唔興啦，拍拖仲旺呀。新年同情人節會去美國登台，到時有艷遇咪留耐啲，冇就要返港！」談到有指展鵬將與馬國明合演無綫新劇《乘勝追擊》（暫名），而馬國明將任男主角力壓展鵬？展鵬大方指對方理應任男一，自言不介意戲份多少。

以低Ｖ裙上陣的Moon，直言拍拖要睇緣分安排。	（後排左起）蘭花大王楊小龍、陳爽、陳展鵬、新鴻基鍾秀蓮、劉佩玥、湛琪清、年花大王賴榮春及藝術家AngryAngry（前排左起）、台灣打印設計團隊Fabraft代表齊出席揭幕儀式。	Moon於台上俯身晒線寫大字。

劉佩玥老婆被搶

至於Moon直言做足防走光措施，問她新年可會放假？Moon透露要開劇，更準備逾4位數封開工利是。談到Moon的好姊妹陳瀅與何猷亨拍拖後，是否較少見面？劉佩玥說：「陳瀅愛我多啲，個男仔搶我老婆都未同佢算帳，不過佢錫陳瀅就冇所謂。（幾時到你拍拖？）唔諗啦，希望今年事業忙過上年。（羨慕人哋拍拖？）要睇緣分。」

文：影視組