吳業坤驚住嗌爽 周秀娜送嘔吐袋

樂壇新人王吳業坤今午三時將與他視為女神的周秀娜齊出席「東華慈善嘉年華」揭幕禮，兩人會聯同黃又南、梁雨恩、莊思敏、莊思明、狄易達、蕊蕊、張惠雅、溫家偉、黃紫盈，以及大會司儀陸浩明挑戰瘋狂刺激的機動遊戲「陀飛輪」。

恨擁抱靚女

談到挑戰陀飛輪，坤坤說：「又驚又要戴頭盔，我會盡情嗌，嗌出嚟爽啲。」曾與周秀娜合作的坤坤已有兩年多沒跟女神見面：「同佢喺旅遊節目合作過，（見到女神會唔會怕醜？）唔會，我大個仔，兩年冇見要擁抱吓。」他稱玩陀飛輪時好像要放下隨身物品，包括眼鏡：「睇吓到時可唔可以唔除，想望吓隔籬嘅周秀娜嘛。」

今日或許有雨，周秀娜昨受訪時說不擔心：「之前都聽過陀飛輪，好期待去玩。」講到吳業坤視她為女神，她說：「我唔係佢第一位女神，如果佢會嘔，我唔介意帶定個嘔吐袋上陀飛輪，隨時提供畀佢。好耐冇見佢，見到佢喺樂壇有咁嘅成績都好開心，我哋可以喺陀飛輪上敍舊。」

吳業坤希望擁抱周秀娜。	機動遊戲「陀飛輪」夠晒緊張刺激。	坤坤曾與周秀娜合作。（資料圖片）

切菜割傷手

另外，前晚周秀娜出席電影首映，僅客串一日戲的她是演回自己，更獲導演谷德昭讚她是冷面笑匠。昨日周秀娜在instagram上載手腕血痕照，原來她煲湯切菜時不小心割傷手，她笑說：「啲朋友叫我小心用刀唔好割脈，傷口好淺，自動止咗血。」

文：音樂組