同陳山聰破冰 伍詠薇：仇唔記一世

藝人伍詠薇前晚在港出席電影《江湖喜劇》煞科宴，對於被指早前在胡杏兒婚宴上與曾傳不和的陳山聰「破冰」，她說：「我都係睇新聞先知。唔係，我都冇提過陳山聰咁多年，嬲唔嬲大家都唔知，我亦冇提過。今次見番冇乜嘢，楊怡帶佢過嚟say Hello，見到佢都好開心，我都好有禮貌咁同佢擁抱，同佢打完招呼舒服嘅。大家點個頭，問候一下，總之在心中。」為何多年來不提及陳山聰，伍詠薇說：「咁大個人唔會刻意，無可厚非件事係發生咗，但咪要暢遊出嚟？唔開心係咪一定要鬧交？我係大將之人，識得點處理，順其自然啦。仇唔會記一世，開心事先記一世。」同場的譚詠麟被問到被伍詠薇色誘的一場戲，他說：「好索，佢捽晒大髀，我都有畀反應。（咩反應？）好似餓狼傳說咁Woo。」他又讚戚美珍同樣「索」：「其中一場戲孭住佢三個鐘，索晒氣。」