徐子淇晒巨鑽襯萌B建熹

一連兩天「千億新抱」徐子淇孻子李建熹的逾千萬百日宴昨日舉行，李家選址在中環摩天輪旁搭建白色帳篷，昨日雖下着微雨，但無損豪華盛宴進行，果真是貴人招風雨！昨晚子淇的透視裝及巨型鑽戒，同樣吸睛。而李家發放給傳媒的照片，小建熹扮生菜又扮花，十分可愛！

李家誠抱着孻仔李建熹，李兆基即笑到四萬咁口。

富豪李兆基（四叔）兒子李家誠與太太徐子淇為孻子李建熹舉行的百日宴，昨日在風雨中舉行。早於下午五時許，已有近百傳媒到場，由於天氣欠佳，雨勢不斷，跟兩人十年前在澳洲舉行的世紀婚禮一樣，細雨紛飛，大會安排逾百名保安及工作人員維持秩序，並搭起小帳篷給傳媒及派發雨衣。

宣布封肚：唔追啦

大會表示帳篷由星期日開始搭建，場內採用大量紫藤花及桃花布置，配合假草皮，砌成花團錦簇的樂園。晚上七時許，子淇與丈夫李家誠及老爺李兆基抵達會場，子淇與李家誠拖手行到記者區前，與四叔一起合照。子淇身穿仿如《冰雪奇緣》Elsa公主的藍白色露肩透視拖尾晚裝，胸前只有喱士花飾點綴，若隱若現。三人合照後，四叔先進場，問他是否很開心？他笑不攏嘴說：「係，多謝你哋嚟。」說罷便跟記者揮手，繼而轉身進場。

子淇和丈夫留下來讓傳媒拍照，期間子淇大騷右手無名指上的巨型鑽戒。問子淇準備了甚麼給小建熹？她一臉幸福說：「BB唔係太識，好多朋友未見過BB，所以搞個party等啲親戚朋友高興吓。（籌備咗幾耐？）唔係好耐，好多嘢都係自己搞。（湊夠兩個好字係咪好開心？）好開心，好開心，好開心！」追問她可會再追B？她邊說邊耍手謂：「唔追啦，多謝你哋！」正式宣布封肚。

百日宴在中環摩天輪旁舉行。

李家誠、徐子淇和李兆基在工作人員撐傘下到達會場。

徐子淇手上的巨型鑽戒閃閃生輝。

李兆基盼孫成千里駒

宴會於晚上八時開始，四叔李兆基在場內致詞，內容大概如下：「孫仔相貌端正，精乖伶俐，令我十分欣慰，希望佢長大後能夠做到才貌雙全，將家族發揚光大，成為吾家嘅千里駒。家誠同子淇結婚正踏入第十個年頭，成功育有兩仔兩女，湊夠兩個『好』字，為屋企增添咗好多歡樂同生氣。我喺百忙中都會抽空陪啲細路去海洋公園睇海豚，去迪士尼玩樂。我哋閒時都會一齊遊山玩水，或者成家人去旅行，其樂無窮。」心情大好的四叔更呼籲賓客要多抽時間陪伴家人。