甄子丹汪詩詩孖咇搵銀濕平《葉問3》破五千萬票房

甄子丹夫婦被《好報》拍得甜蜜行街,子丹的鐵漢柔情完全表露無遺!太太汪詩詩置裝時,他在旁投入畀意見,其後詩詩往修理電話,子丹細心聆聽店員講解,即使自己電話響亦匆匆收線,完全將太太放在第一位。離去時他一手提大袋戰利品,一手則與詩詩十指緊扣,認真sweet爆。

談到夫妻恩愛,詩詩受訪直認二人經常靠facetime及whatsapp傳情:「老公成日出去做嘢,慣咗用呢啲工具嚟溝通,一日都好多次,即使佢食飯都會話畀我聽食咗啲乜,而我又會傳啲小朋友嘅短片畀佢,等佢唔好錯過仔女嘅成長機會。」

另外,子丹主演的《葉問3》直至本月14日在港已錄得$50,574,473票房,成績斐然。昨日他又與詩詩孖住現身新加坡,宣布成為「聖淘沙名勝世界2016全新品牌形象大使」,子丹帶領變形金剛演繹中國功夫,又不忘偷閒與詩詩拍拖品嘗當地美食。