或成同門師妹 吳千語期待合作

憑《那》片溝到仔兼爆紅的Cecilia被封為「宅男女神」，有指她自恃「升呢」上位，嫌棄合作多年的模特兒公司規模不夠大，眼見快將約滿仍對傾續約的事拖得就拖！模特兒公司亦感到Cecilia的離心力重而不幫她多接工作，她惟有請好友幫助代接零碎「散工」keep住曝光率。據知不少公司有意斟她加盟，當中包括設有電影部、由黃百鳴及林珊珊主理的公司，黃百鳴直言：「有潛質嘅藝人都會考慮，不過要視乎劇本需要，如果公司有機會（簽有潛質嘅藝人）都會爭取！」而有機會成為Cecilia同門師姐的吳千語，昨透過經理人回覆：「如果係真嘅都係好事，公司有多啲人可以百花齊放，自己都想同唔同人合作，娛樂圈亦需要新面孔同埋唔同類型嘅演員。」