劉心悠鋸木乏力 猛男幫拖

藝人劉心悠昨日到藝術設計學校出席時裝騷，曾修讀工業設計的她，笑言從前希望投身玩具設計及傢俬設計行業，但卻加入了娛樂圈。問到從前的校園趣事？她說：「以前要鋸木，當時好細隻，要搵同學幫我拎。（有冇大隻仔自動請纓？）有，好多，因為知道女仔handle唔到，會自願幫，幾好。（有冇諗起以前拍拖嘅事？）冇，當時唔得閒。」提到她即將出戰長跑，問會否擔心當天下雨？她坦言不擔心，因已不是第一年下雨：「最重要安全，萬一覺得唔舒服就停，要做足拉筋，瞓多啲。」