結婚10周年紀念 妙芝打造狂炳之旅

名模歐陽妙芝日前藉着結婚10周年紀念撇甩一對寶貝兒子，與老公方時俊到日本名古屋過二人世界，妙芝笑言此行是「狂炳」之旅，將對老公的不滿在旅行時完全發洩。她說：「我哋基本上結婚周年都會兩個去旅行，平時照顧小朋友，都要二人世界，我呻足佢全程，可以話一年一炳，將所有嘅不滿都講晒出嚟，（對老公有乜不滿？）佢平時好忙，冇時間陪我哋，唔會將屋企人放第一位，事業對佢嚟講更重要，不時有好多應酬，我同佢講要識得去平衡，有時小朋友嘅派對，人哋個個父母出席，佢就成日都冇到，想佢多啲時間畀屋企。」妙芝發洩完不滿，表示老公回港後大有進步：「啱啱個期假，佢真係陪多咗小朋友，小朋友一放假24小時對住，真係好攰，有個人分擔相差好遠。」