熊黛林準備就緒 做猴新娘沖喜

以露背裝上陣的Lynn，暗示有機會做猴年新娘。

名模熊黛林（Lynn）昨日以星級大使身份到澳門新濠影滙度過一個奇妙的體驗之旅，先後在「魔幻間」表演魔術，以及乘坐8字形摩天輪「影滙之星」，令她大呼好正。其中她於「魔幻間」擔任壓軸表演嘉賓，更化身魔術師，出場時先跟觀眾打招呼，原本台上只有一個鐵架，但蓋上布幕後，Lynn一施「法術」，即變出一部火紅色法拉利來，全場掌聲如雷，觀眾看得非常投入。對於是次魔術，Lynn自言畀足自己100分：「我第一次變魔術，都算成功呀！其實表演前好緊張。」問到男友郭可頌會否變魔術？她說：「佢唔識，同我睇就有份，下次帶埋佢嚟，呢度又有Batman劇院，好正！」

好似多咗個媽咪

提到男友，她即冧爆說：「我哋日日都拍拖，不過呢幾日要拍戲。（新年去男友家拜年？）初一、初二我喺南京。（計劃同男友二人世界旅行？）想呀，今次family trip好開心，未試過同男友屋企人去旅行，大家好多時間相處，互相了解多啲。佢家姐同媽咪好錫我，互相遷就，當我係屋企人。（未來奶奶滿意你？）唔敢問，我好似多咗個媽咪，應該OK。」

熊黛林化身魔術師，變出一部紅色法拉利，獲全場掌聲。

熊黛林大讚摩天輪浪漫。

睇吓趕唔趕得切

問到是否好事近？她笑得甜絲絲說：「唔知呢！（Ready結婚？）好耐啦！」記者指Lynn屬猴今年為本命年，要舉辦喜事沖喜，她坦言：「睇吓趕唔趕得切啦！（同男友有冇共識？）大事交畀佢話事，小事先我理，哈哈。其實我怕煩。」再追問是否已求婚？她表示結婚會向大家公布。