林子祥父子寡言 Hi完冇偈傾

歌手林子祥（阿Lam）與兒子林德信（Alex）同樣是寡言之人，阿Lam日前接受《東網電視》節目《娛樂onShow》訪問時，向主持人Angela大爆與兒子「冇偈傾」，他說：「我同佢見到面時冇幾句，我見到佢就係Hello，就係咁（口架）喇！」

睇專訪互了解

自從兒子入行後，兩仔爺竟然透過對方的訪問來互相了解，Angela便將Alex早前受訪時談及父親的內容讓阿Lam欣賞，阿Lam隨即會心微笑外，還自爆當年湊Alex仍是BB時的搞笑事：「我發現一抱住Alex行幾步，佢就會瞓着，當佢一醒我就再抱，等佢繼續瞓，好似畀安眠藥佢食咁。」

林子祥講起湊「德信BB」的搞笑事，笑到Angela收唔到聲！	林子祥舉行入行紀念騷，邀請老友再合作。	林子祥爆與兒子林德信甚少傾偈，老婆葉蒨文則經常遲到。

老婆唔識睇錶

不經不覺已經入行40年，阿Lam為紀念這個日子，將於紅館舉行《林子祥佐治地球40年演唱會》，Alex與太太葉蒨文當然是嘉賓之一，阿Lam還趁機踢爆太太的遲到習慣：「佢跟得我耐先識少少睇錶咋！」他又透露邀請了於1975年曾合作的「玉石樂隊」，經過多年後再度合作，大家花了不少心機綵排，他說：「佢哋好勤力！一叫佢哋就到！」究竟阿Lam與「玉石樂隊」會擦出甚麼火花？想知還有甚麼大爆料？請即睇《娛樂onShow》啦！

文：專案組