閻奕格 走出抑鬱全力唱好歌

唱得之人閻奕格（Janice）相隔三年後，將於本月17日在九展舉行音樂會《閻奕格亦型亦格香港音樂會2016》。Janice為今次個唱感到特別期待，因為自2010年參加《超級星光大道》奪冠後，一直都只能唱別人的歌，終於5年後推出屬於自己的歌曲。

提到新歌在網絡上點擊率很高，Janice感動地說：「其實都冇見大家三年幾，有人記得我已經好幸運。」回歸樂壇的Janice覺得最重要是在網上得到大批歌迷支持。談到音樂會，她興奮表示會唱很多經典廣東歌：「好似Beyond、陳奕迅等等，因為台灣識聽廣東話嘅人唔多，所以冇咩機會唱。」

被網民攻擊

提到兩年前因過度減肥而健康受影響，Janice剖白當年因要求太高而克制自己攝取澱粉質。其後向中醫求診，當體重開始回復正常，即被很多網民於社交網攻擊。Janice坦言：「佢哋講嘅說話真係好難聽，話『我肥到成隻豬咁』、『死開啦唔想見到你』，嗰時仲喺好極端要求自己嘅階段，就覺得原來大家鍾意我唔係因為我唱歌好，原來我唱歌唔係咁勁，少少肥咗就唔鍾意我。」她指當時變得毫無自信，所以收埋自己，若非得到好友開解，早已患上抑鬱症。Janice笑言很慶幸能走出陰霾，並承諾會全力投身音樂，以行動答謝支持自己的歌迷。

文：音樂組　

攝：司徒國榮

飾物：金至尊珠寶

服裝：Pou Dou Dou @Magicalbox

髮型：Sunny Yu @Hair Culture

化妝：Maggie Yeung

場地：如心艾朗酒店