楊偲泳傻氣闖娛圈
打扮性感，總能在娛樂圈內吸引多一點眼球，不過要突圍而出亦非易事。新人楊偲泳（Renci）出道以來不想被性感標籤，希望用實力取悅觀眾。現年只有22歲的Renci帶着一股傻氣勇闖演藝圈，身為90後的她以周迅和張曼玉作目標。她說：「短期定終生，我都係想做一個演員。我自己本身就好鍾意演戲，所以一有時間我就會去睇戲，同埋係不斷重複去睇同一套戲，例如周星馳同張家輝。但我最鍾意始終係周迅同張曼玉，因為覺得佢哋真係好吸引。」
撇除演員身份，作為一個不折不扣的文青的Renci夢想是到南非餵大白鯊，平時亦愛去旅行，問她最喜愛的地方？她說：「我好鍾意台北呢個地方，我覺得呢個地方好慢活，嗰度嘅人好識享受生活，畀人一種好輕鬆嘅感覺。就算佢哋有工作在身，好似行入去咖啡店，或者一啲銷售嘅舖頭，佢哋都唔會介意你買唔買，或者你到底要坐幾耐。其實我已經去過好多次台北，但係每一次都覺得好舒服。」