龔慈恩做阿四撐囡囡首次獻聲
藝人龔慈恩女兒林愷鈴早前與歌手唐韋琪、五位同學仔組成組合Static，首次公開演唱經典兒歌《夢中天使》，吸引近百名觀眾圍觀，「星級嘉賓」龔慈恩亦專誠到場為女兒打氣，更全程傍實林愷鈴為她壯膽。Ashley表示會努力裝備自己，希望有更多「籌碼」決定未來路向。
龔慈恩千金林愷鈴（Ashley）早前為「Nippon Animation 40週年經典動畫展揭幕儀式」作首次公開演唱，與兒歌歌手唐韋琪及五位同學仔組成的Static，以全人聲合唱形式演繹經典動畫《長腿叔叔》的主題曲《夢中天使》。首次公開獻唱的Ashley被問心情如何？她坦言：「其實一開始喺後台等出場嘅時候都幾緊張，但一出到嚟見到班同學就冇嘢，反而感覺幾興奮。」
鍾意音樂要求極高
台下的龔慈恩除了全程跟着節拍拍手專心做粉絲外，更化身司機兼助手，由準備到完場一路陪實Ashley。訪問期間，更攬着女兒纖腰為她「壯膽」！問龔慈恩是否特意來支持Ashley？她謂：「今日都係做番我平日唔使返工時做嘅嘢，司機加阿四，一路陪住佢。（有冇畀咩意見囡囡？）冇咩意見啦，佢哋嘅音樂造詣基本上都比我高，仲要係個個都好鍾意音樂，對自己嘅要求都好高，最好嘅係佢哋每個人都有唔同嘅音樂技能，而且成日都走埋一齊夾好多唔同嘅音樂。」
視乎興趣決定將來
談到Ashley日後路向，龔慈恩坦言現階段應先專注於學業，之後發展就視乎女兒的興趣再決定。Ashley表示會全力裝備自己，有更多「籌碼」決定未來路向：「我依家都不停裝備緊自己，想學多啲嘢先，每個範疇都識啲，咁第時就有得揀自己嘅將來。」
文：鄧倩兒
攝：鄭家俊
場地：愉景新城
服裝：Snidel
妝髮：Joenny Lau、Amanda Shiu＠Zoey Chin Beauty