歐陽震華 投訴畀胡楓整蠱
歐陽震華（Bobby）、胡楓及羅蘭日前於上環拍攝無綫劇集《一屋老友記》，期間眾人未埋位時不斷被途人邀請合照。而胡楓到場後表現特別活潑及興奮，皆因拍攝場地是他以前就讀幼稚園的舊址：「我七十幾年前就已經喺呢度讀書！」而胡楓與Bobby合照時又裝作嫌棄對方，笑稱勉為其難才合照，場面搞笑！
其後自認貪玩的Bobby大爆經常被胡楓整蠱：「佢係有活力嘅長輩，只有佢整蠱我o架咋！我仲跟佢學人生態度，佢仲叫我千祈咪退休，否則好易老！」Bobby又言不慎於羅蘭面前失言而感尷尬：「羅蘭姐好斯文又好人，我有時開心得滯，同成班男人連唔應該講嘅都講埋，真係唔好意思！」
