陳鈺芸拍床戲做小三

武打女星陳鈺芸（JuJu）日前忙於拍攝兩部內地網絡電影《片場風雲之冤家姊妹》及《深宮秘籍2》。性感晒線示人的她自爆為電影要向朋友學做「小三」，更怕醜獻出第一次床戲！JuJu笑言要請朋友教路以揣摩第三者的心理：「戲中我要搶人男友，我見過朋友做小三，又見過朋友被小三介入，所以我問佢哋學吓。」問到她可有學到偷情功夫？JuJu怕醜大爆首次與內地猛男拍攝火辣床戲：「我第一次拍貼身動作場面，好緊張同尷尬，貼晒膠紙。（着得少布？）少少啦！（開啟新戲路？）我比較鍾意打戲，但埋位就全情投入，一停機我就快啲彈開先！」