苟芸慧哭訴一肥百踩

藝人苟芸慧接受電台訪問，提到被甲狀腺問題困擾了兩、三年，還令身形暴脹，她透露最初不知自己有病：「後來發覺身體有啲嘢做唔到，仲有Depressed，同埋次次行出嚟都聽到難聽說話。」說到此時，她不禁哽咽：「幾Hurt！好希望有人可以明白，但冇人明白，唔明之餘仲要踩多兩腳，所以都心淡，自己平時都錫佢哋。（指媒體朋友？）唔係話媒體，而係工作上嘅同事，後尾都唔想再問點解。（同郭富城傳緋聞而壓力爆煲？）喺香港最大問題係文化差異，好多因素一路積住，嗰件事係Trigger（觸發）位，之前一直都冇時間關心自己生理同心理，去到嗰件事先有Break Time令我明白點樣面對將來嘅人。」