憶蓮預男友晒「鼓」合唱難突破

睽違紅館四年的天后林憶蓮，將於3月26至28日假紅館舉行《2016林憶蓮PRANAVA/造樂者世界巡迴演唱會》香港站。昨日記者會上，憶蓮表示今次會與台灣班底合作，台灣製作人兼其經理人陳鎮川將擔任製作人，音樂總監則是與憶蓮合作無間的倫永亮。當主持問到倫永亮為了憶蓮可否兩個月唔瞓？他卻聽唔清楚而以為講「兩個人瞓」，惹來全場大笑！而主辦單位之一的黃柏高特意送贈水晶法螺給憶蓮，寓意其聲音晶瑩剔透是天籟之音，更有祝福的意思。

預告有新歌聽

訪問環節由大會主持發問，問到男友恭碩良屆時會否在台上擔任鼓手？憶蓮說：「梗係有，點會冇！（好似上次演唱會咁合唱？）合唱歌好難諗o架！上次嗰個咁經典。」她又指現正同時籌備廣東及國語兩張唱片，並預告大家將會在個唱中聽到最少一首新歌。

憶蓮與黃柏高祝酒，預祝個唱大賣。	憶蓮與倫永亮（左）在台上鬧出「兩個人瞓」笑話。	憶蓮與男友恭碩良曾經典合唱，但她指難突破經典。

做導師學到嘢

提到在內地節目《中國之聲》擔任推薦導師，憶蓮表示是特別體驗：「學咗好多嘢！我要多謝我推薦嘅一啲歌手好努力，好似安仔（許志安），同佢哋合作喚醒我做音樂嘅熱誠。（請佢哋做嘉賓？）佢哋得閒都希望佢哋出現。」她又指在節目中發掘了很多一流的樂手：「有啲特殊嘅樂器，例如蒙古嘅馬頭琴，平時聽唔到。」

文：音樂組

攝：鄭家俊