歌手鄭融日前出席道路安全訊息活動，自認性格急進的她說：「我好鍾意快，如果要嘥時間搵位泊車會好忟，所以都係搭朋友或者保母車就算。」她指男友亦沒有香港車牌，問會否建議對方考牌？她說：「佢有船牌囉，咁有時出海都好。（多唔多機會出海？）唔算多，但幾特別，有更大嘅私人空間。」
早前金剛在台灣捲入槍擊案，問鄭融有否同樣經歷？她稱：「冇呀，我盡量做完嘢即返香港，就算過夜都唔會出街，費事有任何事麻煩公司，同埋我會問清楚晒所有安全問題，諗到嘅都會問。」
