廖碧兒特訓揸槍奸入荷里活

廖碧兒（Bernice）早前遠赴馬來西亞拍攝荷里活電影，由於演員來自不同國家，如馬來西亞、美國、中國，令Bernice感到非常新鮮。她說：「都幾特別，因為大家都係講英文。」母語為英語的Bernice被問會否因此更易發揮？她笑說：「當然英文係我嘅母語，但我拍劇、拍電影都咁多年，其實中文演戲都OK，都習慣咗，只不過係唔識睇，當然如果你話背詩嗰啲古裝就當然要多啲時間啦。」

與香港很不同

Bernice於電影飾演奸角，拍攝時更槍戰連場：「我演嘅係奸角，綁架飛機，同埋我第一次揸真槍，有老師教我點用，我要學三種槍，訓練咗三個星期先可以開，對於我嚟講好正，好新鮮。」

與外國劇組人員合作，令廖碧兒獲益良多。

廖碧兒於片中有不少槍戰戲份。

Bernice又表示在外國拍攝與在香港很不同，她興奮地說：「劇組有外國一分子喺入面，無論工作人員定製作都好唔同，所以次次合作都好期待。今次電影好多特技，拍嗰時用咗好多藍色、綠色布景板，但係喺室外，所以個布景唔係一面牆咁，係成條街咁長。」

冇得用替身

談到最深刻一場戲，Bernice說：「有一幕我要由車跳上飛機，你問我係咪真？一半係，真係有架車駛緊，我要喺上面開槍，開槍後座力加埋架車郁緊，好刺激。（有冇用替身？）冇得用替身，因為成段好長，唔知要邊段，個cam係同你一齊去，一直影住。不過睇番自己拍完嘅效果好有滿足感，好好玩。」

文：甄之慧

場地：Mira Moon Hotel

服裝：Maryling

妝髮：Ivan Lee @ Headquarter