楊埕參選國際小姐 輸獎贏掌聲
有「清純栢芝」之稱的楊埕（Sabrina）早前到東京出戰2015國際小姐賽事，經歷近一個月的活動及交流，雖然未能奪獎，但她直言獲益良多，亦跟多國佳麗成為好友。
Sabrina表示每日訓練猶如突擊測驗，感覺難忘：「我哋要做觀光大使，每日去唔同景點吸收當地文化資訊，亦要出席贊助商晚會，期間要發表個人睇法好考急才，訓練到我個人鎮定咗，驚都冇得退縮！」面對數十位身材標青的海外佳麗，Sabrina自認勝出機會渺茫，但已付出百分百努力：「例如我出場前準備咗把扇，希望行Catwalk一刻特別啲，仲請教咗老師點舞，到上台表現算唔錯，場內人士都拍晒手掌，我好滿足喇！」
