謝安琪 打底褲扮洩春光
謝安琪（Kay）前晚穿上透視長裙出席頒獎禮，落樓梯時她怕跌拉起長裙，露出打底褲，似是春光乍洩，Kay笑說：「係咩？係肉色打底褲，用嚟呃大家嘅，你中計啦，哈哈！」腫脹的她孕味甚濃，她再三澄清沒有懷孕只是肥咗：「因為我唔食肉，連農場出產嘅蛋同牛奶都唔食，所以食好多白飯、澱粉質先飽，我冇乜理體重，最緊要健康，做緊自己最快樂嘅事，唔需要受大眾標準束縛，我會約營養師去均衡飲食。」
演唱會後Kay會放長假，坦言不排除造人：「４月要開騷，依家點會無端端『羅生子』，冇可能。」她與麥浚龍（Juno）合唱的《羅生門》奪得「全球華人至尊金曲獎」，Juno坦言覺得圓滿，因合作認識Kay這位真心朋友，期待兩人再度合作，笑言可能是《羅終門》。