雷怡暉愛心傳承視如親弟
九巴後人雷怡暉（Amanda）有三位弟弟，除雷智恒和雷永晃外，還有三弟—雷袁駿（駿駿）。駿駿是位很特別的孩子，5歲時由Amanda媽媽Marie從孤兒院中收養，他自小患上大腦麻痹，說話不清且不良於行，難與外界接觸，但Amanda一家憑着無比的愛，與駿駿相處22年，令他擁有一個溫馨的童年。
1月1日生日的雷袁駿剛滿28歲，元旦生日是雷怡暉（Amanda）一家為他所挑選的生日日子。皆因駿駿孩童時期被人遺棄在街上，後來被送往孤兒院，真實的出生日期不詳。Amanda是九巴創辦人雷亮後人，父親雷普照，媽咪Marie來自澳洲。Amanda一邊翻看舊照，一邊憶述當年媽咪在孤兒院當義工遇到駿駿的境況：「媽咪未結婚前係位醫生，聽到電台招募義工，便自薦做義工，喺長沙灣一孤兒院識咗駿駿，嗰陣我喺九巴返工，公司喺附近，媽咪好鼓勵我去參與做義工，我差不多日日放工就去探啲小朋友，駿駿由3歲住喺孤兒院，媽咪得到爸爸支持，決定收養佢，當時佢5歲。」
添置裝備周遊列國
Amanda說駿駿最得媽咪疼錫，由於他行動不便，雷父就為他設計一部有支架的單車，家中更加建扶手，開闊通道，方便輪椅出入並添置電腦。他們一家每年也會帶駿駿返澳洲悉尼和黃金海岸度假。有年駿駿的生日願望是見偶像樂隊《The Wiggles》，Amanda即寫信給對方求見面，結果成功讓駿駿在澳洲見到偶像，過了個難忘生日：「我哋希望佢有個充實童年，雖然佢只有十幾歲智商，但佢識得英文、廣東話和國語。我哋由細喺埋一齊，一家人好明佢講乜，護士都未必知。（鼓勵多啲人領養？）領養係好大承諾，其實有時去講吓故事畀佢哋聽、定期幫佢哋剪吓頭髮，每個人身體力行已經好好。」
輪流照顧不離不棄
她說媽咪年事已高，近年返澳洲休養，父親陪伴左右，故這段日子駿駿居住在基督教懷智服務處。Amanda隔天便到該處探望他，透露父親將返港接力照顧駿駿，她便可以飛澳洲探望媽咪，一家人非常合拍。
文：名人組
攝：張福宏