陳豪湊仔OT遲到耍冧
憑無綫劇《鬼同你OT》榮膺視后的胡定欣前晚筵開五席，宴請台前幕後包括陳豪、楊秀惠、張名雅等藝人，本來定欣跟另一女主角田蕊妮夾錢請客，因阿田有工作未能出席飯局，定欣決定先行自掏荷包請大家食飯。問到預算多少？定欣說：「冇特別預算，總之今日大家一定要食得開心。」
第三胎密啲手
陳豪遲到近一小時才抵達，他到場全場「噓」聲四起，他尷尬合十、以笑遮醜，又解釋因出門前要湊仔所致：「呢個時間最尷尬，係湊仔最忙嘅時候，又要幫佢哋沖涼、食飯、氹瞓覺。」照顧兩位少爺已手忙腳亂，將迎接第三胎的他們怎麼辦？陳豪笑謂：「多啲嚟密啲手。（請多個工人？）已經有兩個，但佢哋係輔助形式，我同Aimee（陳茵媺）都主張親力親為、自己湊。」
盡量揸緊時間
不過，陳豪強調不會影響工作，還說：「食飯遲到冇所謂。」未料即遭記者踢爆探班時他曾遲到，陳豪一臉尷尬地說：「好忙o架，做爹哋嘅嘢唔到我控制啲時間，盡量揸緊啲啦。」遲大到的他會否埋單作補償？他笑道：「人哋咁開心，遲啲開工再講啦！」
文：影視組